Ish-presidenti i Sllovenisë, Borut Pahor, kandidat për i dërguar special i Bashkimit Evropian për dialogun ndërmjet Beogradit dhe Prishtinës, është duke përgatitur një projekt-plan për vazhdimin e dialogut ndërmjet dy kryeqyteteve “armike”, shkruan gazeta malazeze Vijesti në portalin e saj.
“Në kontekstin e kandidaturës së tij për të dërguarin special të BE-së për dialogun Beograd-Prishtinë, Borut Pahor është duke punuar në përgatitjen e një projekt-plani për zbatimin e mëtejshëm të suksesshëm të dialogut, i cili fatkeqësisht ka ngecur,” konfirmoi zëdhënësja e Pahorit, Spela Vovk. tek Vijesti.
Konsultimet me zyrtarët e BE-së
Sipas saj, para përfundimit të draftit, Pahor dëshiron të konsultohet me Përfaqësuesin e Lartë të Bashkimit Evropian për Politikën e Jashtme dhe Sigurinë Josep Borrell, anëtarët e BE-së dhe përfaqësuesit e vendeve të Quint-it, e cila përbëhet nga Franca, Gjermania, Italia, Britania e Madhe dhe SHBA.
Me mbështetjen e kryeministrit Robert Golob dhe shefes së diplomacisë sllovene Tanja Fajon, Borut Pahor është kandidati i Sllovenisë për të dërguarin special të BE-së për dialogun ndërmjet Beogradit dhe Prishtinës, i cili do të pasonte Miroslav Lajçak, i cili po largohet këtë vit në postin e ri të ambasadorit të BE-së në Zvicër. /tesheshi.com/
