Në një fjalëmbajtje në Kuvendin Kombëtar të PD-së, kreu i saj Lulzim Basha vijoi me të njëjtin ligjërim akuzues sa i përket 25 prillit. Sipas tij, fitorja demokrate u vodh nga bandat.
“Janë në kujtesën e të gjithëve makinat që endeshin me paratë e drogës dhe korrupsionit. Kemi parë sesi drejtori i Policisë së Shtetit u rreshtua me krimin që blinte vota në Elbasan vetëm pak ditë para zgjedhjeve”, tha Basha, duke shtuar se “PD doli me kokën lart nga kjo masakër zgjedhore”.
Për Bashën, PD kishte programin më të mirë në 30 vite.
“Të gjithë bashkë hymë në këtë betejë të pabarabartë, me programin më të mirë të hartuar në historinë e këtyre 30 viteve, fryt dhe prodhim i ekspertëve më të aftë të vendit dhe bashkëpunimit me institutet dhe institucionet prestigjioze të Perëndimit”, theksoi i pari i opozitës. /tesheshi.com/
