Parlamenti shqiptar i ka dhënë formë ligjore një copës “Dubai” në Tiranë. Bëhet fjalë për miratimin e një ligji që i hap rrugë ndërtimit të Kullës ikonike te Bulevardi i ri nga kompania prestigjoze Al Habtoor Investments me seli në Dubai. Ajo do të jetë 350 metra e gjatë dhe do ndërtohet brenda 3 viteve. Në të pritet të punësohet me qindra njerëz që do u përkasin shërbimeve të ndryshme.
Projekti i miratuar nga deputetët shqiptarë, është diskutuar më parë në komisionet parlamentare.
Presidenti i Al Habtoor Group, Khalaf Ahmad Al Habtoor është një ndër biznesmenët më të njohur të Emirateve të Bashkuara dhe një drejton një nga kompanitë më të suksesshme të Gjirit me investime kolosale në disa vende të botës. Ai, përmes ardhjes në Tiranë, garanton futjen e vendit tonë në hartën e investimeve prestigjoze të Al Habtoor Group. /tesheshi.com/
