Gjumi është shumë i rëndësishëm në jetën dhe aktivitetin e përditshëm të çdo njeriu dhe në rast se nuk flemë aq sa duhet, as më shumë e as më pak, pasojat do të jenë nga më të ndryshmet dhe më të shumtat, e këtë e dimë mirë të gjithë, pasi nuk ka person të mos i ketë ndodhur që të flejë më pak se sa këshillohet, apo ta teprojë me gjumin.
Pasojat e mungesës së gjumit janë të shumta dhe lidhen drejtpërdrejtë me shëndetin, duke shkaktuar probleme me kujtesën, gjykimin, halucinacione, rritje të rrahjeve të zemrës, ankth, humbje të imunitetit të trupit etj.
Sipas një studimi të Duke University, femrat kanë më shumë nevojë për të fjetur, në krahasim me meshkujt. Këto përfundime vijnë si pasojë e faktit se femrat vuajnë më shumë se sa meshkujt sa u takon ndikimeve mendore nga mungesa e fjetjes. Kjo i bën ato që të kenë më shumë nevojë për gjumë. Femrat janë më të pritura të kalojnë stresin apo depresionin duke fjetur, në krahasim me meshkujt që gjejnë ngushëllim në mënyra ët tjera.
Ndërkohë që në orët e gjumit ndikojnë faktorët biologjikë, kjo mund të vijë edhe si pasojë e një pune të ndryshme të trurit të femrës nga ai i mashkullit. Femrat përdorin më shumë energji mendore se sa seksi i tyre i kundërt. Fjetja lejon trurin e një njeriu të marrë veten dhe të ‘riparohet’. Në gjumin e thellë, një pjesë e trurit, e cila është përgjegjëse për komunikimin, memorien, e njohur edhe si korteks, nis të riparohet dhe të rigjenerohet.
Sa më shumë personat e përdorin trurin, aq më shumë kohë u duhet atyre të flenë, e duke qenë se femrat, gjithmonë e më shumë po bëhen ‘multi task’, truri i tyre ka përherë më shumë nevojë për qetësi e gjumë./tesheshi.com/
