Një nënë palestineze dhe tre fëmijët e saj janë ndër dhjetë viktimat e fundit të sulmeve izraelite në Rripin e Gazës.
Sulmet ajrore izraelite në të gdhirë të premten shkatërruan disa shtëpi në qytetin Beit Lahiya, në Rripin verior të Gazës, duke vrarë një nënë dhe tre fëmijët e saj nga familja al-Attar, njoftoi WAFA.
Një rishikim paraprak i dëmit masiv gjeti katër vdekje, ndërsa nëna dhe tre fëmijët e saj, së bashku me dy trupa të tjerë, u tërhoqën nga rrënojat disi më vonë.
Një korrespodent i WAFA tha se avionët luftarakë izraelitë kryen 160 sulme ajrore në të njëjtën kohë, që përkojnë me bombardimet nga artileria izraelite dhe marina, të cilat më së shumti kishin në shënjestër objektet civile në Veriun e Rripit të Gazës.
Ministria e shëndetësisë tha se vdekjet e fundit kishin rritur numrin e palestinezëve të vrarë nga agresioni izraelit në Gaza në 119, përfshirë 31 fëmijë, me 830 të plagosur, përfshirë 139 fëmijë. /tesheshi.com/
