Legjenda e kinemasë Al Pacino është aktori i preferuar i shumë njerëzve, por tani është zbuluar se cilët janë aktorët e tij të preferuar.
Ylli i filmave kult “Aroma gruaje”, “Kumbari”, “Scarface”, ka veçuar shtatë aktorë të preferuar. Përzgjedhja është më se e shkëlqyer, por një detaj është i papritur.
Al Pacino konsiderohet si një nga aktorët më të mirë në histori. Përpara se t’i kthehej roleve në film, ai aktroi në teatër dhe roli i tij në dramën e vitit 1992 të Martin Brest-it “The Scent of a Woman” i dha atij një Oscar për portretizimin e personazhit kryesor, kolonel Frank Slade.
Në një karrierë të pasur që nisi në vitin 1967, aktori i lindur në New York, me origjinë nga Italia, luajti një sërë rolesh ikonë. Ai studioi aktrim në Manhattan School of Performing Arts, dhe më vonë në klasat e aktrimit të Lee Strasberg.
Ai është tre herë fitues i Golden Globe, dy herë mori çmimin BAFTA dhe çmimi Emmy përfundoi në duart e tij. Ai u nominua shtatë herë për Oscar, tre herë për çmimin BAFTA dhe 11 herë për Golden Globe.
Ai bashkëpunoi me shumë të mëdhenj të kinemasë botërore, si Marlon Brando, Robert De Niro, Gene Hackman, Dean Keaton dhe Michelle Pfeiffer.
Al Pacino veçoi Julie Christie, Gary Cooper, Dick van Dijk, Charles Laughton, Robert Mitchum, Lee Marvin dhe Jack Nicholson si aktorët e tij të preferuar.
Por Robert De Niro, me të cilin është një mik i madh, nuk është në listë.
Për shqiptarët, ai do bëhej i dashur me rolin e Toni Montana-s te “Scarface”. /tesheshi.com/
