Studentë e pedagogë janë ndër viktimat e atij që shkaktoi një masakër në Universitetin e Charles në Pragë, duke vrarë 14 persona e plagosur dhjetra të tjerë.
Trembëdhjetë nga viktimat e David Kozak u gjetën të vdekur në sallat e universitetit, ndërsa një tjetër iu nënshtrua plagëve të marra në spital.
Autori u vetëvra, por u bë e ditur se më parë kishte vrarë të atin, ndërsa dyshohet se lidhet me dy vrasje të tjera, të një 32-vjeçari dhe vajzës së tij dy muajshe.
Ndërkohë, identitetet dhe historitë e viktimave të tij kanë filluar të bëhen publike.
Lenka Hlavkova, drejtuese e Departamentit të Muzikologjisë. Ishte një specialiste në kulturën muzikore të Evropës Qendrore mesjetare.
Jan Dlask, profesor në departamentin e gjermanistikës, specialist i letërsisë finlandeze dhe fino-suedeze.
Lucie Spindlerova, studente për letërsinë çeke dhe studime për të shurdhët. Vajza gjithashtu punonte si korrektore bë gazetën Lidové Noviny.
Magdalena Krystkova, gjithashtu studente e letërsisë dhe studimeve për të shurdhët.
Klara Holkova, 20 vjeçe, një atlete premtuese që fitoi nëntë medalje në kampionate të ndryshme çeke dhe përfaqësoi vendin në takimet ndërkombëtare, tha federata e saj. Vajza studionte filologji dhe shkenca arkivore
Aneta Richterova, e cila ishte gjithashtu anëtare e Shërbimit Vullnetar të Zjarrfikësve në një fshat në Boheminë veriore.
