Në tekstin e shpalljes “non grata” të berishës dhe familjes së tij nga ana e SHBA, bërë publike së fundi nga Sekretari Blinken, janë dhe ato fraza që godasin direkt mbi një tjetër personazh ende me pushtet në vend, si dhe në përplasje të rregullt me Uashingtonin. Fjala është për presidentin Meta.
Aty, flitet për një aleat të Berishës, qartazi për Metën, në një përshkrim të atyre se si e gjykon adminstrata amerikane njeriun që konsiderohet “lider historik” i PD-së.
“Në cilësinë e tij si Kryeministër i Shqipërisë në veçanti, Berisha ishte i përfshirë në veprime korruptive, të tilla si shpërdorim i fondeve publike dhe ndërhyrje në proceset publike, duke përfshirë përdorimin e pushtetit të tij për përfitimet e tij dhe për të pasuruar aleatët e tij politikë dhe anëtarët e familjes së tij nga shpërdorimi i besimit të publikut shqiptar në institucionet e tyre qeveritare dhe zyrtarët publikë.
Për më tepër, retorika e tij tregon se ai është i gatshëm të mbrojë veten, anëtarët e familjes së tij dhe aleatët e tij politikë në kurriz të hetimeve të pavarura, përpjekjeve antikorrupsion dhe masave të përgjegjësisë.
Me këtë përcaktim, unë po rikonfirmoj nevojën për llogaridhënie dhe transparencë në institucionet demokratike të Shqipërisë, proceset qeveritare dhe veprimet e zyrtarëve publikë shqiptarë”, thuhet n arsyetimin e “non grata”-s. /tesheshi.com/
