Gazeta Yedioth Ahronoth publikoi një fakt nga fondacioni “Hind Rajab” se kishte dorëzuar urdhër-arreste për një mijë ushtarë izraelitë me shtetësi të dyfishtë të vendosur në tetë vende, pa i përmendur emrat e tyre në mënyrë që të shmangte evitimin nga arrestimi. Mes tyre është edhe një ushtar në Brazil, rasti i të cilit u bë kryefjalë të dielën.
Raporti nga Itamar Eichner dhe Roy Rubinstein shpjegoi se aktivitetet e fondacionit ndriçojnë kërcënimet ligjore në rritje me të cilat përballen ushtarët izraelitë në mbarë botën, duke e detyruar Izraelin të reagojë shpejt. Kështu, një ushtar izraelit u evakuua shpejt nga Brazili pasi fondacioni “Hind Rajab” nisi procedurat gjyqësore kundër tij me dyshimin se kishte kryer krime lufte.
Pjesëmarrja e Ministrit të Punëve të Jashtme
Fondacioni “Hind Rajab”, i cili ndjek ushtarët izraelitë jashtë vendit, nuk e ka emëruar ushtarin për të parandaluar autoritetet izraelite që ta paralajmërojnë atë. Megjithatë, Ministri i Jashtëm Gideon Sa’ar dhe zyrtarë të lartë punuan në koordinim me ushtrinë për të përcaktuar identitetin e tij. Brenda pak orësh konsullata kontaktoi me të dhe familjen e tij dhe i përcolli domosdoshmërinë e largimit të tij të menjëhershëm nga vendi.
Ushtari u evakuua nga Brazili në orët e hershme të mëngjesit të nesërm me një grup të vogël pasi përpjekjet e fondacionit ngritën shqetësime në lidhje me ekspozimin e tij ligjor, megjithëse atij nuk i ishte lëshuar një urdhër arresti, nuk ishte akuzuar zyrtarisht ose nuk ishte vendosur nën kufizime udhëtimi.
Ky ushtar dhe disa nga shokët e tij u transferuan në një vend tjetër. Zyrtarët izraelitë theksuan rëndësinë e shmangies së rreziqeve të panevojshme në situata të tilla dhe u bënë thirrje ushtarëve që të jenë të kujdesshëm kur postojnë përmbajtje në rrjetet sociale pasi kjo mund të çojë në komplikime ligjore jashtë vendit.
Fondacioni Hind Rajab
Fondacioni “Hind Rajab” (HRF) u themelua nga aktivistë palestinezë në Bruksel në shkurt dhe mban emrin e një vajze palestineze që u vra nga ushtria izraelite në Gaza në janar 2023. Ky fondacion është një degë e “Lëvizjes 30 Mars” dhe misioni i tij është të kërkojë drejtësi për krimet e luftës të kryera nga Izraeli kundër palestinezëve.
HRF ka ndryshuar taktikën e saj – sipas gazetës – dhe nuk po publikon më emrat e ushtarëve që po ndjek për të rritur shanset për procedime të suksesshme ligjore ndaj tyre. Sipas raporteve të fundit të HRF-së, janë mbledhur të dhëna për më shumë se një mijë ushtarë izraelitë me shtetësi të dyfishtë, të cilët kanë marrë pjesë në luftën në Gaza. Ndaj tyre janë lëshuar urdhërarreste në tetë vende, përfshirë Spanjën, Irlandën dhe Afrikën e Jugut.
Ndër drejtuesit e këtij fondacioni janë Dyab Abou Jahjah dhe Karim Hassoun, të dy me banim në Belgjikë. Hassoun gjithmonë ka refuzuar të njohë Izraelin, duke e përshkruar atë si një “shtet kolonial dhe racist”. Pas sulmit të 7 tetorit, Hassoun shkroi: “Palestinezët nuk po pushtojnë Izraelin. Ata po kthehen në shtëpitë e tyre dhe po marrin pronën e tyre”.
Raporti i gazetës arriti në përfundimin se aktivitetet e fundit të fondacionit “Hind Rajab” theksuan sfidat në rritje për Izraelin, me kërcënimet ligjore të përshkallëzuara kundër ushtarëve të tij në mbarë botën. Rasti thuhet se është një kujtesë e rreziqeve që përballen ushtarët izraelitë jashtë vendit. /tesheshi.com/
