Kompania e investimeve Affinity Partners, e themeluar nga Jared Kushner, dhëndri i presidentit të sapozgjedhur të SHBA-së, Donald Trump, dhe miliarderi i Emirateve, Mohamed Albabar, do të ndërtojnë së bashku një hotel luksoz dhe kompleks apartamentesh në Beograd në vendin e Ministrisë së Mbrojtjes së ish-Jugosllavisë, raporton Bloomberg.
Siç u përmend, Trump kishte konsideruar një ide të ngjashme edhe para se të kandidonte për president të SHBA në 2016.
Ndërtesa në gërmadha
“Ne kemi biseduar me disa marka gjatë vitit të kaluar për hotelin,” tha Kushner në një intervistë me Bloomberg.
Siç u tha, projekti në Serbi shënon sipërmarrjen e parë të përbashkët të biznesit mes Kushner dhe Alabbar.
Kushner shprehu shpresën se ky është vetëm i pari nga projektet e përbashkëta që do të realizohen në të ardhmen.
Ish-ndërtesa e Shtabit të Përgjithshëm u godit nga raketa disa herë gjatë ndërhyrjes ushtarake të NATO-s në vitin 1999, pas së cilës mbeti në gërmadha.
Ky investim është i bashkangjitur me atë të Sazanit e Zvernëcit në Vlorë, ku parashikohen resorte turistike në funksion të turizmit elitar.
Me këtë lajm, zbulohet dhe se kush është investitori arab pas atij amerikan. Qenka Alabbari, ai të cilin Rama e ka tërhequr për investime në Shqipëri, ku veçon Durrësi. /tesheshi.com/
