Deputeti i PDK-së, Mërgim Lushtaku, ishte strumbullari i sherrit të sotëm në parlamentin e Kosovës. Gjithçka ka nisur ku ai ka spërkatur me ujë kryeministrin Kurti, duke hasur në reagimin e zv.kryeministrit Bislimi. Këtë e ka pohuar vetë Lushtaku.
“Unë duke parë të gjitha këto sulme drejt meje dhe kolegëve të mi, ku një shishe me ujë komplet më është gjuajtur mua nga zëvendëskryeministri Bislimi, ku edhe ministrja Haxhiu erdhi më shtyu, dhe ministri Murati kishte një mjet të fortë, e natyrshëm edhe unë kam reagu”, tha ai, i biri i Basri Lushtakut, ish-figurë e njohur e UÇK-së.
“Edhe nëse më vrasin, kam me qëndru i fortë, qysh ka qëndru familja ime në kohën më të vështirë ndaj okupatorit serb. Edhe pse mundohen me na e ndalë fjalën e lirë, ata kurrë nuk do të munden me na ndalë. Sepse të gjithë dëshmorët e kombit janë sakrifikuar për këtë liri.
Si aksion politik që pati PDK me paraqitjen e pankartave, se kjo Qeveri është ‘Zdravo’ e në këtë frymë nuk e kemi prit që një zëvendëskryeministër të dhunojë demokracinë”, tha ai, më avokim të vetëvetes.
Spërkatjen me ujë të kryeministrit Kurti, Lushtaku e cilësoi si “freskim” të qeverisë. /tesheshi.com/
