Kryeministri i Kosovës, Albin Kurti, ka theksuar se plani i ish-presidentit të Kosovës, Hashim Thaçi dhe presidentit të Serbisë, Aleksandar Vuçiç, për shkëmbimin e territoreve dështoi, por se ideja nuk vdiq.
Kurti theksoi se shkëmbimi i territoreve nuk do të ndodhë sepse, siç tha ai, kjo është formulë për luftë.
“Jam i sigurt se presidenti i Serbisë është nostalgjik për ato kohë, sepse projekti politik i shkëmbimit të territoreve dështoi. Por përsëri, ideja nuk ka vdekur. Nostalgjia nuk është një ndjenjë me të cilën mund të përparojmë. Shkëmbimi i territoreve nuk do të ndodhë, sepse është formulë për luftë”, tha Kurti.
Ai theksoi se kufijtë etnikë nuk janë zgjidhja, por, siç tha ai, “shtetet që kanë marrëdhënie normale dhe demokraci”.
“Nuk mund të kesh kurrë kufij të përsosur etnikë. Gjithmonë do të ketë njerëz që mendojnë se janë në anën e gabuar. Ajo që na duhet është një vend që ka marrëdhënie normale dhe demokraci. Demokracitë nuk luftojnë me njëra-tjetrën. Tensionet që kemi me Serbinë ekzistojnë sepse ne jemi një vend demokratik dhe Serbia është një regjim autokratik me lidhje të ngushta me Kremlinin”, pohon Kurti. /tesheshi.com/
