Ka vijuar sërish “aventura” politike e Albin Kurtit, i cili sërish ka refuzuar ftesën e presidentit Thaçi për t’u mandatuar si kryeministër.
Kësaj herë ka qenë jo VV por vetë Kurti që ka kthyer përgjigje, duke e patur atë gjithë ironi, deri në kufijtë e hajgares (shakasë).
“Ju faleminderit për dy ftesat e sotme që të takohemi sot, ftesa këto që fillimisht publikoheshin nëpër portale, pastaj mbërrinin në zyrën tonë.
Sot isha jashtë vendit. Nuk do të mund të vij as sonte. Për t’u konsultuar për caktimin e mandatarit për formimin e qeverisë, takohemi gjatë ditëve në vijim.
Ndërkohë po i shqyrtoj këto nenet që i keni përmendur në dy letrat tuaja”, është shprehur njeriu që pret të marrë në dorë qeverisjen e Kosovës. /tesheshi.com/
