Kryeministri i Kosovës, Albin Kurti, ka vlerësuar se situata në veri të Kosovës është e tensionuar për shkak të veprimeve të Serbisë.
Për gazetën gjermane Der Spiegel, duke folur për kërkesën e Serbisë për kthimin e deri në 1000 pjesëtarëve të forcave të sigurisë në Kosovë, ai ka thënë se presidenti serb Aleksandar Vuçicc synon të kthehet në të kaluarën, por se kjo nuk është e mundur.
Sipas tij, Gjykata Ndërkombëtare e Drejtësisë (GJND) ka vendosur në favor të Deklaratës së Pavarësisë së Kosovës.
“Nuk ka gjykatë më të lartë në këtë planet”, ka thënë Kurti.
Ai shtoi se qeveria që ai drejton është “e shqetësuar për situatën në veri të Kosovës, por e vëmendshme ndaj situatës aktuale”.
“Kosova është më e fortë me aleatët”
“Bashkimi Evropian dhe SHBA po i bëjnë shumë presion Serbisë që të zgjedhë mes Perëndimit demokratik dhe Rusisë”, tha Kurti.
Presidentja e Kosovës Vjosa Osmani tha të dielën se Kosova është më e fortë me aleatët e saj.
Në pritjen me diplomatët e akredituar në Kosovë, me rastin e Vitit të Ri, Osmani ka shkruar në Twitter se në fundvit ka kujtuar ndikimin pozitiv që pati partneriteti me aleatët në Kosovë dhe qytetarët. /tesheshi.com/
