Dyshja e pushtetit ekzekutiv e legjislativ në Kosovë, Albin Kurti e Vjosa Osmani, ishin në Prekaz për të përkujtuar ditën e tretë të Epopesë së Jasharajve, e ku, aty, në kuadër të 7 Marsit, shefi i qeverisë së Prishtinës zbuloi se kush ishte mësuesi i Bacës Adem e Jasharajve të tjerë me të. Po një emër Jasharajsh.
“Sot është 7 Marsi, Dita e Mësuesit. Baca Shaban ka qenë mësues, mësues popullor, mësues i Prekazit, mësues i Ademit, Hamzës dhe bacës Rifat, sot e kujtojmë në veçanti edhe atë në këtë ditë të veçantë”, ka thënë Kurti.
“Dëgjuam nga Baca Rifat për peripecitë që ka kaluar kjo familje për dekada me radhë mirëpo çdoherë duke u dëshmuar si qendrestarë dhe si mbrojtës të pakompromis të vendit tonë”, tha nga ana tjetër Vjosa Osmani. /tesheshi.com/
