Kreu i Vetëvendosjes, Albin Kurti, kreu i Grupit Parlamentar të kësaj partie, Glauk Konjufca, kanë dorëzuar në Prokurorinë Themelore padi ndaj presidentit Hashim Thaçi dhe kryeparlamentarit Kadri Veseli.
Padia vjen pas seancës për rastin ‘Syri i Popullit’, e mbajtur në muajin dhjetor të vitit të kaluar, ku Thaçi dhe Veseli nën betim kishin bërë siç thanë ata “shpifje për Kurtin, Konjufcën dhe Sadri Ramabajën”.
“Dorëzimin e kallëzimit penal kundër Hashim Thaçit dhe Kadri Veselit, po e bëjmë sot duke pasur parasysh deklarimet e rrejshme kundër ‘Syrit të Popullit’ me rastin e sulmit që kanë bërë ata kundër meje dhe Glaukut. Ata kanë bërë deklarata të rrejshme, kanë shpifur. Ka ta bëjë me tendencë politike të qartë, që ta luftojnë Lëvizjen, kjo ka të bëjë me eliminim politik të Vetëvendosjes”, tha Kurti.
Gjatë seancës në fjalë, Thaçi dhe Veseli kishin deklaruar se anëtarët e VV ishin të lidhur me një organizatë terroriste. /tesheshi.com/
