Sauditët e Al Hilal bënë histori duke u kualifikuar në finalen e Kupës së Botës për Klube, pasi mposhtën në gjysmëfinale kampionin e Amerikës së Jugut, Flamengon e Brazilit, me rezultat 3:2, në një ndeshje të zhvilluar në Marok.
Sauditët befasuan Flamengon e favorizuar dhe kaluan në finale, e cila do të luhet të shtunën, si klubi i parë saudit në histori. Aty presin fituesin e duelit mes Real Madridit dhe Al Ahly.
Flamengo u bë vetëm fituesi i gjashtë i Copa Libertadores që u mposht në gjysmëfinale.
Në edicionet e mëparshme të Kampionatit të Klubeve të FIFA-s, kanë triumfuar vetëm klubet nga Evropa dhe Amerika e Jugut.
Rekordin e mban Real Madridi me katër tituj, Barcelona me tre dhe Corinthians e Bayern Munich me nga dy herë. Vitin e kaluar titullin e fitoi Chelsea me fitoren ndaj Palmeiras.
Kujtojmë se kjo surprizë e sauditëve ndaj brazilianëve vjen pasi arabët e Mbretërisë mposhtën dhe Argjentinën në Katar, atë që më pas do fitonte Botërorin. /tesheshi.com/
