Për herë të parë, kryeministri Rama e ka quajtur sulltan presidentin turk, një cilësim që herë përdoret dashamirësisht e herë negativisht, varësisht prej atij që e thotë dhe pse e thotë.
Në një podcast me ministren e tij të Integrimit, Adea Pirdeni, ai rrëfeu një aspekt të jetës së tij private, më saktë atë që ka të bëjë me shëndetin e tij, pasi ditët e fundit kreu dhe një ndërhyrje kirurgjikale për një hernie diskale, një problem që ai thotë se e trashëgon nga koha kur lunate basketbolli
“Mu desh të kryej një ndërhyrje kirurgjikale dhe të marr rrugët kundër shkencës komplet, se duhet të qëndroja të paktën tre ditë pushim, por ishin tre ditë komplet të pamundura sepse të nesërmen duhet të rrija në këmbë për të pritur sulltanin që vinte nga Lindja, pastaj të nesërmen duhet të merrja rrugët në qendrën e ish perandorisë hungareze për të takuar mikun tim Viktor Orban, që është dhe kryeministri i vendit që ka presidencën e BE, për ta falënderuar për gjithçka bëri Hungaria për këtë shtysë të fundit dhe pastaj duhet të shkonim së bashku dhe të uleshim më në fund në atë sofër si të barabartë që të fillonim të bisedonim.
Kjo bëri që nën efektin e disa injeksioneve shumë të forta, që kishin si pasojë qëndrimin pa gjumë për të shmangur dhimbjet”, tha Rama. /tesheshi.com/
