E pazakontë është ajo që ka ndodhur në institucionet europiane, ku shkak janë bërë zhvillimet e zhurmshme në politikën shqiptare.
Dje pasdite, në faqen online të Parlamentit Europian u publikua një deklaratë të përbashkët, nga Kryetari i Komisionit për Punë të Jashtme David McAllister (EPP, DE), Raportuesi për Shqipërinë Isabel Santos (S&D, PT) dhe Kryetari i Delegacionit të Parlamentit për Shqipërinë Manolis Kefalogiannis (EPP, EL).
Kjo treshe i kërkonte politikës shqiptare që të miratojë me shpejtësi marrëveshjen e 5 qershorit për Reformën Zgjedhore, duke theksuar se “çdo modifikim i marrëveshjes, pa arritur një konsensus me të gjitha partitë politike mund të rrezikojë thirrjen e konferencës së parë për negociatat e anëtarësimit dhe për këtë arsye të ngadalësojë procesin e integrimit evropian”.
Me modifikim të marrëveshjes, nënkuptohej vendimi i mazhorancës për hapjen e listave, duke e mundësuar këtë me dy ndërhyje në Kushtetutë.
Por siç është shpjeguar kryeministri Rama, marrëveshja nuk preket, do votohet siç është nënshkruar, ndërsa listat e hapura nuk i prekin aspak koalicionet. Sipas tij, i bëjnë ato si në Gjermani e gjetkë në Europë.
Dhe, pak orë nga publikimi i deklaratës së treshes së deputëteve europianë, ajo u fshi. Pra, u hoq nga vetë autoritetet e PE.
Ky është ndër ato raste të rralla ku politia shqiptar provokon incidente dhe në politikën europiane. /tesheshi.com/
