Një mrekulli e vërtetë ka ndodhur në Indi, ku ka ardhur në jetë një fëmijë në banjat e nj treni, i cili ishte në lëvizje dhe ka arritur të mbijetojë pasi ka rënë nga binari.
Siç referojnë mediat lokale, gruaja nisi të kishte dhimbjet e lindjes ndërsa ishte duke udhëtuar me tren në zonën e Uttar Pradesh. 23 vjeçarja shkoi në tualet dhe solli në jetë fëmijën, i cili rrëshqiti dhe ra në ujin e banjës dhe nga shkarkuesi drejt e në pjesën e shinave.
Kur pasagjerët e tjerë dëgjuan britmat për ndihmë të vajzës ngritën frenin e urgjencës dhe vrapuan për në binarë, ku gjetën vajzën e vogël ende të gjallë. Fatmirësisht treni nuk ishte nisur me shpejtësi shumë të madhe pasi sapo ishte larguar nga stacioni hekurudhor Bhojipura.
“Është mrekulli që e sapolindura ka arritur të mbijetojë pasi ra nga binari në çimento dhe në hekurudhat e trenit nga një lartësi e tillë”,- ka thënë për ‘Times of India’, Chandra Mohan Jindal, drejtor i rrjetit hekurudhor në zonë. Gruaja dhe vajza e saj u dërguan në spital për të marrë mjekimin e duhur./tesheshi.com/
