Presidenti i Federatës Evropiane të Futbollit (UEFA) Alexander Ceferin tha të hënën se në shumicën e vendeve ata janë të gatshëm të vazhdojnë kampionatet pa spektatorë, në mënyrë që të paktën disi të kufizojnë krizën financiare të shkaktuar nga ndërprerjet e tyre për shkak të shpërthimit të pandemisë së koronavirusit.
“Unë mendoj se ka mundësi për të vazhduar dhe përfunduar kampionatet dhe kupat. Ne do të duhet të vazhdojmë garat pa spektatorë, por mendoj se gjëja më e rëndësishme është që lojërat të luhen akoma”, tha Ceferin në një intervistë me të përditshmen italiane Corriere della Sera.
Presidenti i UEFA shtoi se nëse kampionatet vazhdojnë “mjaft shpejt”, Champions League dhe Liga Evropiane mund të vazhdojnë përkrah tyre.
Ceferin nuk është i prirur të luajë sezonin aktual në shtator ose tetor sepse do të ndikonte shumë në sezonin e play offit 2020/21, raportojnë mediat. /tesheshi.com/
