Kërkesa e ambasadës turke drejtuar autoriteteve të Prishtinës për ta ballafaquar me ligjin gazetarin Berat Buzhala lidhur me një koment të tij për grushtin e shtetit, ka sjellë reagimin edhe të komunitetit të gazetarëve kosovarë, sipas një pjese të së cilëve të inkuadruar ne një shoqatë, ky është një cenim i fjalës së lirë. Por pak vite më parë, ka qenë vetë Buzhala, në pozitën e një deputeti, i cili ka qenë po ashtu “kundër fjalës së lirë”. Ai pati kërkuar që gazetarët mos trajtohen si “lopë të shenjta”, por që të mbajnë dhe ata përgjegjësi ligjore kur e shkelin me anë të fjalës.
Ja një ndër shkrimet kur evidentohet qëndrimi i Beratit politikan kundër kolegëve të tij gazetar; ose kundër Beratit sot gazetar.
Shkrimi:
Deputeti i PDK-së, Berat Buzhala reaguar ndaj kthimit të Kodit Penal në Kuvend duke thënë se nuk duhet të lejohet që gazetarët të largohen nga përgjegjësia ligjore.
“Mirë është bërë që është kthyer Neni 37 dhe 38, por nuk duhet hequr dorë prej një kornizimi moral dhe një kornizimi ligjor të mediave”, ka thënë ai në seancën parlamentare.
Buzhala ka pasur vërejtje edhe për komentet që botohen nga portalet e medieve të Kosovës, duke e cilësuar këtë si kanibalizëm medial.
“Madje kanibalizimi tjetër që po ndodh tek është në portale dhe mediat elektronike. A i keni lexuar komentet e lexuesve që ndodhin në portalet e medievetona. Kush merr përgjegjësi prej atyre medieve për ato komente që shkruhen edhe i pjekin për së gjalli, jo vetëm politikanë, edhe jetën private të secilit. A duhet Gazeta Express, a duhet indeksonline, koha.net, zeri.info, t`i redaktojnë ato shënime të lexuesve, të cilët nuk lënë gjë pa thënë për secilin prej jush këtu dhe secilin prej anëtarëve të familjeve t`juaja”, ka thënë ai. Ky deputet i PDK-së i ka cilësuar gazetarët se po sillen si “lopë të shenjta” dhe se po frikohen – jo vetëm nga vetëtima – por edhe nga mërmërima.
/tesheshi.com/
