U desh të ekzekutohen 14 penalti për të mesuar emrin e gjysmëfinalistit të tretë më rradhë në Kupën e Amerikës. Argjentina ka mposhtur Kolumbinë (5-4) pas penalltive, pasi koha e rregullt përfundoi me rezultat të barabartë 0-0. Në fakt, fitorja e Argjentinës ishte e merituar pasi për 90 minuta e dominuan ndeshjen dhe shpërdoruan mundësi të mira shënimi.
Pas 90 minutave, sipas rregullave të Kupës së Amerikës, u gjuajtën menjëherë penalltitë, derisa më të saktë ishin argjentinasit.
Kolumbianët humbën tri penallti, dy prej të cilave i gjuajtën mbi portë, kurse dy lojtarë të Argjentinës gjuajtën po ashtu jashtë portës. Lojtarët kishin probleme me vendosjen e topit në pikën e bardhë. Ishte futbollisti i ri i Boka Juniors, Karlos Tevez ai që i dha fund serisë së penalltive të dështuara duke dërguar Argjentinën një hap para finales së shumëpritur. /tesheshi.com/
