Argjetina është skuadra e dytë e cila do të luajë në finalen e Kupës së Amerikës për vitin 2015. Skuadra e drejtuar nga Tata Martino më lehtë seç pritej ka mposhtur Paraguajin (6-1), duke marrë rrugën drejt finales aty ku e pret Kilin.
Kombëtarja e Paraguajit ka qenë vetëm spektatore në ndeshjen e gjysmëfinales përballë Argjentinës, duke kryer kështu një shëtitje rutinore brenda 90 minutave të fushës së lojë. Goli i Lukas Barrios ishte një shkëndijë e vogël e cila shpejt u shua nga “gauqosët”, të cilët veç se u elektrizuan më shumë.
Plot gjashtë gola i realizoi Argjentina përballë Paraguajit për të marrë biletën e skuadrës së dytë finaliste përballë Kilit. Mund të mos besoni, mirëpo emri i futbollisitit më të mirë argjentinas mungon në listën e realizatorëve. Lionel Messi nuk arriti të realizoj asnjë gol, mirëpo atë e bënë shokët e tij: Angel Di Maria me dy gola, Markos Rojo, Javier Pastore, Sergio Aguero, Gonzalo Higuain kontribuan me nga një për ta rënduar rrjetën e portës kundërshtare.
Kështu, Argjentina do të takohet me Kilin në finalen e këtij edicioni të Kupës së Amerikës, njëherit kilianët janë dhe mikëpritësit e këtij kompeticioni. /tesheshi.com/
