E ndërsa pakoja e re e reformës kushtetuese ka mbajtur nën tension parlamentin turk, këto ditë edhe të acarta moti, një mace dyngjyrëshe me emrin Kulis ka gjetur prehje pikërisht në mexhlisin e madh e trazuar të politikës në zemër të Anadollit. Kjo pasi edhe deputetët janë dhënë pas saj, duke e shkarkuar lodhjen dhe stresin pikërisht në shërbimin ndaj kësaj maceje, me ofrimin e strehës, ushqimit dhe ngrohjes.
Duke jetuar në hollin e parlamentit, Kulis loz me deputetët, ndërkohë që duke u fërkuar përreth karrigeve të tyre ajo kërkon dashuri dhe vëmendje. Shumë deputetë janë fiksuar pas maces; dhe krahas faktit që shfaqin dashurinë e tyre ndaj saj sa herë që e shohin , ata i sjellin Kulis-it bukë dhe qumësht çdo ditë.
Metin Külünk, deputet nga Partia e Drejtësisë dhe Zhvillimit, e njohur si AK-parti, partia e Erdoganit, është një ndër ata që është lidhur shumë pas Kulis-it. “Kulis kupton se ne e duam shumë dhe është gjithmonë e gatshme për më shumë. Shumë deputetë i ofrojnë qumësht asaj sa herë që e shohin atë”, tha Külünk ndërkohë që duke treguar leshin bardh e zi të maces, i buzëqeshur ai thotë se “Kulis është gjithashtu një mbështetës i Beşiktaş-it”. /tesheshi.com/
Street cat “Kulis” finds warm and cozy shelter in Turkish parliament amid cold weather across the capitalhttps://t.co/ZY5MrURwAQ pic.twitter.com/OboXhxUGg8
— DAILY SABAH (@DailySabah) January 16, 2017
