Familjarë të viktimave të tragjedisë së 9 janarit 2003, ndër më të rëndat e trafikut klandestin pas ’90 në Shqipëri, atij në rrugë detare, veç buqetave me lule hedhur në ujrat e Jonit në Vlorë, kërkuan që çështja të rihetohet nga SPAK.
Nikoll Mhillaj, kryetar i shoqatës “9 Janari”, tha se “tani rast është krijuar SPAK dhe po bën bujë sikur do vendosë drejtësi në Shqipëri, i bëjmë thirrje të marrin në dorë atë dosje në Prokurorinë e Vlorës dhe ta zbardhin. Aty janë shkruar e zeza mbi të bardhë dhe është e vërtetuar me gjithçka”.
Ai akuzoi drejtpëdrejtë politikën për atë çfarë ndodhi 16 vite më parë. “Ne nuk kemi pasur ligj për ti dënuar këta deputetë,ministra”, tha ai, duke shtuar se ” do të bëjnë një akt padi publike ndaj atyre që sipas tij kanë organizuar trafikimin e fëmijëve të tyre duke përmendur edhe ish-drejtorin e Policisë Bajrim Ibraj, por edhe ish-ministrat e asaj kohe Igli Toska dhe Pandeli Majko.
“Tragjedia e 9 Janarit ndodhi në afërsi të Vlorës në vitin 2004, kur gomonia me 36 klandestinë u nis në det të trazuar 5 në drejtim të Italisë nga gjiri i Palasës. Si pasojë e mbytjes së gomones, 28 persona humbën jetën ku viktimat ishin kryesisht nga zona e Shkodrës dhe Lezhës, nga 15 në 33 vjeç. 8 prej tyre ranë në det dhe nuk u gjetën më. /tesheshi.com/
