Që nga viti 2003, 19 tetori është ditë pushimi në Shqipëri, vendosur nga qeveria Nano pas lumturimit të Nënë Terezës nga Vatikani. Pra, e sotmja me zyrat e shtetit bosh është dhuratë e ish-kryesocialistit. po kështu prej tij, dhuratë si ditë pushimi është dhe 14 marsi, si “Dita e Verës”.
Berisha nga ana e tij, sa qe në pushtet la vetëm një ditë pushimi, 8 dhjetorin,” Ditën e Rinisë”, në mbrëmjen e së cilës në vitin 1990, startoi lëvizja studentore, pas së cilës do vinte rënia e sistemit komunist dhe kalimi në pluralizëm.
Po ashtu, i takoi Berishës që në mandatin e parë si President, të shpallte festat fetare si festa zyrtare, pra edhe si ditë pushimi. Sa i përket nderimit të figurës së Nënë Terezës, Berisha shpalli një vit me emrin e saj gjatë mandatit të dytë si kryeministër.
Ndërkohë, fotoja kryesore shqiptares së indianizuar në emër të fetaro-humanes, është ajo e përzgjedhur nga kryeministri Rama, në “mirëmëngjesin” e sotëm për shqiptarët, dedikuar pra asaj.
“MIRËMËNGJES dhe gëzuar Ditën e Lumturimit të Nënë Terezës”, shkruan Rama. /tesheshi.com/
