Macet shtëpiake janë të prirura për të qëndruar për orë të tëra në një vend, në përpjekje për të kapur minj imagjinarë. Përveç kësaj, edhe pronarët e tyre i inkurajojnë për të bërë një gjë të tillë, duke i stimuluar me sende që macet adhurojnë.
Nga një studim i ri suedez, është gjetur se macet mund të gëlltisin një kokteil me kimikate, pikërisht nga sende të ndryshme që gjenden në shtëpi. Kjo sepse kimikatet toksike, duke u përzier së bashku me pluhurin që ndodhet në objekte të ndryshme mund të bëjnë që macja të sëmuret.
Studiuesit e Universitetit të Stokholmit, kanë bërë një studim si pjesë të një investigimi të gjatë, për sëmundjet indokrine të gjetura në shtëpi. Ata morën monstra gjaku nga macja dhe i krahasuan ato me pluhurin e akumuluar në dhomë. Gjetjet e studimit u publikuan në shkurt të 2017, në revistën shkencore, “Environmental Science and Technology”./tesheshi.com/
