Një studim në SHBA thotë se ndukja e qimeve sipas një modeli të caktuar mund të bëjë që edhe shumë tjera të dalin në vend të tyre.
Eksperimentet me dendësinë e qimeve të hequra treguan se çfarë dëmi i shkakton trupit ndukja e tyre, dhe se sa flokë rriten përsëri pas kësaj. Duke përdorur minj laboratori, ekipi hulumtues ka arritur të rigjenerojë 1.300 qime duke i ndukur 200 sosh, në këtë studim të publikuar në Cell Journal.
Ekspertët thanë se ky ishte “hulumtim i mirë shkencor”, por nuk nuk ishn të sigurtë se a do të çonte deri te zbulimi i ilaçit për rënien e flokëve. Gjysma e meshkujve nga mosha 50 vjeçare vuajnë nga rënia e flokëve e modelit mashkullor. Ekipi hulumtues në Universitetin e Kalifornisë Jugore ka hulumtuar se si gjëndrat komunikojnë me njëra-tjetrën në mënyrë që të shohin se sa ka nevojë për riparim.
Pezmatimi
Gjatë një vargu eksperimentesh ata hoqën 200 gjendra flokësh nga një copë lekure të miut. Ndukja me dendësi të ulët – heqja e gjendrave nga një copë lekure me diametër 6 milimetra – çoi në jorigjenerim. Ndukja me dendësi mesatare, me 200 qime të hequra nga një copë lekure me diametër 5 milimetërsh, çoi në rigjenerimin e 1.300 qimeve. Ndukja me dendësi të lartë, me numrin e njëjtë të qimeve por nga një copë lëkure me diametër 4 milimetërsh, çoi në rigjenerimin e 780 qimeve.
Ndukja e të gjitha qimeve çoi në rigjenerimin e plotë të tyre, por qime të reja përveç këtyre nuk dolën.
Shtegu
Chris Mason, profesor i mjekësisë rigjeneruese në University College London, tha për BBC-në: “Është hulumtim mjaft i mirë shkencor. Ideja e ‘quorum sensing’ është ide e zgjuar.”
Mirëpo nuk dihet se a do ta shërojë kjo rënien e flokëve.
Profesor Mason shtoi: “Kjo është pyetja kyçe. Nuk jam i sigurt. Tani për tani, duhet të kesh qime për t’i ndukur. Shumë studime kanë arritur të prodhojnë qime, por qime shumë të imëta, qime foshnjesh, qime me ngjyrë të çelur, që thjesht s’duken mirë. Mirëpo, në hulumtimin tonë mund të shohim se ato janë qime të rriturish, andaj, ky vetvetiu është një hap i ri drejt ndryshimit.”
