Vota e 25 qershorit që po shënon një fitore të dytë për Edi Ramën dhe PS-në ka disa lexime të tjera.
Një parti e vogël si PDIU-ja e ngritur mbi faktorin çam dhe të drejtat e popullsisë çame ka suprizuar me rezultatin e saj duke u renditur si parti e 4-ët në rang republike.
Por ndryshe nga ç’pritej, që ajo të merrte mandate debuteti në Vlorë dhe Fier, ku historikisht kanë jetuar dhe votuar shqiptarët e Çamërisë, ajo ka marrë mandate deputeti në Dibër, ku s’ka asnjë këmbë çami dhe në Elbasan, ku përsëri nuk janë vota çame.
Mandati i Shpëtim Idrizit, kryetar I PDIU-së, do të vendoset në Tiranë, ku gara është e fortë në një kohë kur mbeten akoma dhe shumë kuti për t’u numëruar.
Sipas gjasave PDIU në rang kombëtar do të marrë 2 mandate në Elbasan, një në dibër dhe një në Tiranë.
Në të dyja qarqet çamët përfaqësohen jo me një çam të nderuar, por me të fortin e zonë.
Në Elbasan me Aqif Rakipin, deputeti i PDIU-së edhe në parlamentin e shkuar, biznesmen, i hetuar nga prokuroria si subjekt i ligjit të dekriminalizimit.
Në Dibër po është në krye të listës është vajza e Ymer Lalës, Reme Lala, dhe votat e PDIU-së janë votat e influencës që i ati ka në këtë zonë, një njeri biznesmen që njihet për ndikim të madh në këtë zonë veriore.
Të dyja këto raste janë të ngjashme me atë të Tom Doshit në Shkodër, ku ai fiton mandat me çdo siglën e çdo partie që shkon, për shkak të ndikimit si person, investimeve personale që bën në zonë, blerjeve të votave me premtime dhe me ndihma.
Kështu çamët dhe të drejtat e tyre do të përfaqësohen nga një dibrane dhe 2 deputetë nga Elbasani, që nuk kanë pasur ndonjë herë vokacion të qartë politik në kuadër të programit nacionalist të kësaj partie.
E vetmja kandidate pas Idrizit që ishte tërësish politike dhe me vokacion të qartë nacionalist për të drejtat çame dhe jo vetëm, Mesila Doda, mesa duket nuk do të jetë pjesë e parlamentit të ri.
Ajo garonte e dyta në Tiranë, ku dhe bëri fushatë, por pa rezultat.
Në Fier e Vlorë, ku çamët kanë pasur bastionin e tyre kryesor dhe kanë nxjerrë më parë deputetë, këto zgjedhje nuk e kanë arritur pragun për të hyrë në parlament, respektivisht deri më tani në Fier ka marrë 3873 vota dhe në Vlorë 2800 vota. /tesheshi.com/
