“Mali i Zi nuk mund ta zbatojë njëanshëm marrëveshjen për Demarkacionin e kufirit me Malin e Zi. Konsideroj se marrëveshja bëhet e pazbatueshme nëse nuk janë dakord dy palët” – Kështu thotë kryetari i Lëvizjes Vetëvendosje Visar Ymeri. Ai thekson se Demarkacioni është një proces jashtëzakonisht i rëndësishëm në të cilin duhet të ketë shumë kujdes, në mënyrë që vija kufitare të caktohet, duke mos dëmtuar asnjërën palë.
“Natyrisht që kjo marrëveshje duhet që domosdo që në dritën e fakteve të reja, dhe në dritën e atyre fakteve që deri më tani janë prezantuar nga ekspertët e Republikës së Kosovës, por jo vetëm nga Republika e Kosovës, por edhe ekspertë nga Republika e Shqipërisë, që të rinegociohet me Malin e Zi, në mënyrë që kufiri të vendoset aty ku do të duhej të ishte, dhe që të mos cenohet integriteti territorial as i Republikës së Kosovës dhe as i Malit të Zi”, ka deklaruar Ymeri në një intervistë për “Radio “Evropa e Lirë”.
Por kjo kërkesë e VV-së vështirë se mund të realizohet pasi zyrtarët e Malit të Zi janë shprehur se marrëveshja për ta është e përfunduar dhe nuk ka kthim mbrapa. /tesheshi.com/
