Kryeprokuroja e përkohshme, Arta Marku, ka dhënë të parën intervistë duke folur për Sokol Ballën në Real Story.
Më një të folur të ngathët, të thjeshtuar në dy-tre fraza për çdo pyetje, e padyshim të kujdesshme për të mos lënë shumë “lajme” në deklarimet e saj, zonja e parë e akuzës shqiptare ka patur një vetërezervim në përgjigjet e pyetjeve me spec.
Një prej tyre ishte rreth vlerësimit për paraardhësin Adriatik Llalla. Tha se e kishte një opinion, por që mjaftonin ato çka publiku mendonte për punën e tij. E pyetur nëse dhe ajo mendonte si publiku, znj. Marku tha “po”.
Pasuesja e Llallës u pyet dhe për ditën e zgjedhjes së saj si Kryeprokurore e përkohshme, ku procedura u krye nën tymueset e opozitës, dhe tha se nuk kishte dëshirë ta kujtonte atë ditë.
Kryeprokurorja Marku tha se në atë detyrë ishte vetëm për shkak të karrierës së saj si prokurore, pasionit për këtë profesion, e jo ndonjë nxitjeje politike. /tesheshi.com/
