Ka huazuar një frazë të eprorit të tij, Fatmir Xhafaj, kur ky i fundit shkarkoi Haki Çakon nga kreu i Policisë së Shtetit. Ardi Veliu e nisi prezantimin e vetes si pasardhës i Çakos, duke thënë:
“Policia ka nevojë për një ritëm të ri, më dinamik për të përballuar sfidat që ka”. Këtë pat thënë dhe Xhafaj. Dhe kjo konfirmon faktin se Veliu është zgjedhja e mirëmenduar e Xhafajt, për ta patur në krah si njeriun më të besuar.
“Unë e di që nuk jam vetëm në realizimin e këtij misioni”, tha kryepolici i tretë në radhë i Rilindjes, me origjinë nga Delvina.
Por ai preferoi të flasë për anët e mira të policisë, e jo atë negative e cilat lidhet pazgjithshmërisht me drogën.
“Jam i ndërgjegjshëm që organizata e policisë është institucioni më i besuar nga publiku në Shqipëri”, tha Veliu, duke provokuar me erën “Tahiri”, tashmë për t’u harruar nga shija e keqe që ka lënë…me Habilajt, Klemend Balilin që nuk e kapën dot, e me ish-krerë policie në kërkim. /tesheshi.com/
