Kryengritësit sirianë kanë vendosur t’i ngrijnë bisedimet në lidhje me negociatat për paqe që pritet të mbahen këtë muaj në Astana të Kazakistanit.
Dhjetë grupet kryengritëse njoftuan ditën e djeshme se po i pezullonin bisedimet për shkak të shkeljes së armëpushimit nga forcat qeveritare.
Në deklaratën e përbashkët thuhet se, “ndërsa këto shkelje vazhdojnë, fraksionet rebele njoftojnë ngrirjen e çdo diskutimi të lidhur me negociatat e Astanasë”.
Kryengritësit deklarojnë se ata po e respektojnë armëpushimin në tërë Sirinë, por regjimi dhe aleatët e tij nuk kanë reshtur së qëlluari. Deklarat përmend bombarimet e përditshme në Vadi Barada, një rajon pranë Damaskut e nën kontrollin e kryengritësve.
Pas marrëveshjes së armëpushimit të ndërmjetësuar nga Rusia e Turqia, dhe të respektuar përgjithësisht që nga e enjtja e shkuar, janë në planifikim e sipër negociata paqeje që do të zhvillohen në Kazakistan. Negociata që mund të vihen në rrezik nëse kundërshtarët e regjimit vendosin të mos marrin pjesë. /tesheshi.com/
