Një debat mes dy deputeteve opozitare, ka bërë që nga goja e njërës prej tyre të dalë nga ato frazat e mendjemadhësisë por dhe injorancës njerëzore.
“Gjuhë shumë e turpshme nuk ja lejoi asnjeri, as Zotit s’ja lejoj këtë gjë…”, tha Flutura Açka në replikë me Ina Zhupën.
Me një fjalë, krijesa na del më e fortë se Krijuesi, pasi s’ja lejon Atij atë që ajo nuk e pëlqen. Edhe pse fraza është kontekstuale, ajo gjithsesi është e ulët. E thotë një zë që kulturalisht njihet dhe për pak islamofobi.
Flutura Açka, një shkrimtare, prodhimtare në letërsi por pa asnjë lloj bujë suksesi të dukshëm prej ndonjë stili imponues, po është me shkëlqim të munguar, siç në fushën e letrave nga vjen, edhe në politikë.
Pos kësaj, me fraza të tilla kryeneçe ndaj Krijuesit, shfaq dhe padijen e turpshme aty ku njeriu më së shumti lipset të ketë dije, te thelbi i ekzistencës. /tesheshi.com/
