“Qeveria nuk ka të drejtë që t’u tregojë grave se çfarë duhet të veshin”, ka thënë kryeministrja britanike Theresa May të mërkurën, pasi gjykata e lartë e Bashkimit Evropian vendosi që kompanitë mund të pengojnë të punësuarit që të mbajnë shaminë në kokë në kushte të caktuara.
Vendimi i Gjykatës së Drejtësisë të martën, e cila do të aplikohet edhe për simbolet e tjera të dukshme fetare, nxiti një stuhi të reagimeve dhe ankesave nga grupet për të drejta dhe udhëheqësit fetarë.
E pyetur në lidhje me vendimin, May i tha parlamentit: "Ne kemi një traditë të fortë të lirisë së shprehjes në këtë vend, dhe është e drejtë e të gjitha grave përtë zgjedhur se si ato vishen dhe nuk kam ndërmend të nxjerr ligje për këtë çështje".
"Do të ketë raste kur është e domosdoshme të hiqet mbulesa, si në rastin e sigurimit të kufirit ose ndoshta në gjykata, dhe institucionet individuale mund të bëjnë politikat e tyre, por nuk i takon qeverisë t’u tregojë grave se çfarë mund dhe nuk mund të veshin ato."
Gjykata e Drejtësisë së Bashkimit Europian vendosi të martën se punëdhënësit mundtë ndalojnë punëtorët e tyre nga bartja e ndonjë simboli fetar, duke përfshirë bartjen e shamisë nga disa gra muslimane. /tesheshi.com/
