Kryeministri spanjoll Pedro Sanches shpjegoi me pak fjalë se pse Madridi nuk e njeh Kosovën, madje as që në plan ta njohë, siç paralajmëroi në Beograd para dy ditësh.
Në Tiranë, krah Ramës, ai tha
“Unë mendoj se miqtë e mirë, siç janë Shqipëria dhe Spanja, mund të kenë edhe mendime të ndryshme.
Ne mendojmë se një deklaratë e njëanshme për pavarësi shkel të drejtën ndërkombëtare. Prandaj nuk jemi në favor të kësaj gjëje.
Ky është një opinion që nuk e ndajmë me qeverinë shqiptare për këtë çështje, por kjo nuk do të thotë që nuk e përkrahim qeverinë shqiptare. Ky është pozicioni i qeverisë së Spanjës”, tha Sanchez.
Nga ana tjetër, kryeministri Rama e përligji qëndrimin spanjoll ndaj Kosovës me hallin bask që ka ky vend.
“Spanja ka një pozicion të ndryshëm dhe tradicionalisht të palëvizshëm për arsye që lidhen vetëm me Spanjën, që nuk ka të bëjë më asnjë lloj diskriminimi apo paragjykimi ndaj bashkësisë së shqiptarëve në Kosovë dhe ndaj të drejtës së tyre”, u shpreh Rama. /tesheshi.com/
