Kryeministri japonez Shinzo Abe ka organizuar një iftar për korin diplomatik të vendeve islame, në zyrën e kryeministrit me datën 16 qershor ku është ofruar dhe shërbyer ushqim nga kuzhinat lokale.
Me rastin e hapjes së iftarit, kryeministri ka thënë:
“Eselamu alejkum. Sot kam kënaqësinë të ofroj iftar për anëtarët e korit diplomatik të akredituar në Japoni. Që nga koha kur jam zgjedhur kryeministër, kam kryer pesë vizita në Lindjen e Mesme, që demonstron përkushtimin tim ndaj regjionit si dhe peshën që ka për mua ruajtja e raporteve miqësore në mes të Japonisë dhe vendeve të Lindjes së Mesme. Japonia dhe vendet islame ndajnë të njëjtën frymë që gjendet në një proverbë arabe ‘rruga më e mirë është ajo e mesit’.”
Sipas tij, respekti për traditën, vlerësimi i mesatares në çdo çështje dhe urtësia që sjell harmoni qëndrojnë në rrënjët e kulturave tona.
“Në saj të përpjekjeve të të gjithë njerëzve të pranishëm, Japonia dhe vende islame sot ndajnë marrëdhënie të tilla të shkëlqyera. Unë do të doja të shfrytëzoja këtë rast për të shprehur mirënjohjen time për të gjithë ju që jeni prezent, dhe do të kërkoja nga ju përpjekje të vazhdueshme për t’u siguruar që marrëdhëniet në mes vendeve tona të zhvillohen edhe më tej”, – u shpreh Kryeministri japonez. /tesheshi.com/
