Kryeministri i sapoemëruar i qeverisë kalimtare në Maqedoni, Emil Dimitriev, në një prononcim për media ka deklaruar se është absurde që të shtyhen zgjedhjet parlamentare vetëm se kështu dëshiron LSDM-ja.
“Është e papranueshme që kërkesa e LSDM-së për datë të re të zgjedhjeve. Pra, të gjitha detyrimet e ndërmarra në Përzhino do të realizohen në kohë. Zgjedhjet e parakohshme parlamentare do të mbahen më 24 prill dhe nuk ka arsye për vonesa të mëtejshme”, deklaroi Emil Dimitriev.
Sipas tij, në këto momente nuk ka nevojë as për një mbledhje të udhëheqësve partiak përkundër faktit se vet Social Demokratët kanë dhënë afat deri më 24 shkurt që të gjitha palët të përpiqen për të gjetur një kompromis që marrëveshja e 2 qershorit të mbijetojë./tesheshi.com/
