Kryekuvendari Kadri Veseli tha sot se Republika e Kosovës ka nevojë për ndërkombëtarët, por kriza politike duhet të zgjidhet brenda institucioneve të vendit.
“Ne kemi nevojë për partnerët tanë, SHBA dhe Bashkimi Evropian. Çdo iniciativë e tyre është e mirëpritur, por ajo që ne duhet të kuptojmë është iniciativa, e cila duhet të jetë e institucioneve të Republikës së Kosovës”, ka thënë ai pas takimit me shoqatën e ish të burgosurve politikë.
Duke folur për çështjen e zgjedhjes së presidentit, ai tha se beson që në muajin shkurt do të ketë një komunikim më të mirë mes pozitës dhe opozitës dhe do të zgjidhet presidenti i Kosovës.
“Nuk besoj që do ketë komplikime. Jam optimist që në muajin shkurt do të kemi një komunikim mes pozitë dhe opozitës, dhe në të njëjtën kohë do të kemi respekt të verdiktit njerëzor dhe respekt institucioneve të zgjedhura. Do të kemi edhe zgjedhjen e presidentit të ri të Republikës së Kosovës. Deri më tani në kemi një kandidaturë, Hashim Thaçi”, tha Veseli.
Ndërkaq, ai shtoi se opozita ka të dejtë legjitime të kërkojë dorëheqjen e qeverisë.
“Opozita duhet të respektojë Kushtetutën, ligjet dhe më së shumti vullnetin e qytetarit”, tha Kadri Veseli./tesheshi.com/
