Kryetari i Komunës së Strugës, Zijadin Sela, tashmë i divorcuar nga PDSH e Menduh Thaçit pritet të shpallë partinë e re këtë fundjave. Lëvizja për reforma në PDSH e drejtuar nga Ziadin Sela të shtunën në mbledhjen e Kuvendit qendror, do të zgjedhë kryesinë e saj.
Gazeta në gjuhën maqedonase “Dnevnik” shkruan se, po në këtë Kuvend, organet do të kenë mundësi të zgjedhin në mes tre emrave të propozuar: PDSH-ja reformiste, Lëvizja PDSH dhe Lëvizja Demokratike e Shqiptarëve.
Ky propozim vjen për shkak se ky formacion politik i dalë nga PDSH që udhëhiqet nga Menduh Thaçi nuk dëshiron që të humbasë kohë me oponentin e tyre politik lidhur me trashëgiminë dhe të drejtën se kush duhet të udhëheqë PDSH-në.
