Nëse ndonjë shtet i rajonit do të dëmtohej nga nisma Ballkani i Hapur, Maqedonia e Veriut nuk do të jetë më pjesë e saj.
Deklarata është bërë kreu i diplomacisë së Shkupit, Bujar Osmani.
Siç tha ai, iniciativa synon thellimin e bashkëpunimit mes shteteve të rajonit, por nuk do të jetë e plotë pa pjesëmarrjen e të gjashtë shteteve të Ballkanit Perëndimor, duke nënkuptuar me këtë sidomos Kosovën.
Osmani i bëri komentet pikërisht në një aktivitet me ambasadorin e Kosovës në Shkup, Florian Qehaja, me rastin e 13-vjetorit të vendosjes së marrëdhënieve diplomatike mes dy vendeve.
“Ne, si Maqedoni Veriut nuk do të lejojmë që ndonjë shtet tjetër të dëmtohet nga nisma e Ballkanit të Hapur. Nëse dikush do të dëmtohet, mendoj këtu edhe për Kosovën, atëherë ne nuk do të marrim pjesë në këtë nismë”, tha konkretisht ministri shqiptar.
Kujtojmë se Maqedonia i është bashkuar që në fillim nismës, pa e vënë në diskutim atë. Ndërsa Kosova është treguar kategorikisht e ftohtë ndaj saj, skeptike, deri dhe refuzuese, duke parë në të një konspiracion serb për krijimin e një “Jugosllavie të re”. /tesheshi.com/
