Kryetari i Bashkisë së Kukësit, Bashkim Shehu, refuzon takimin me Kryeministrin Edi Rama pa liruar të arrestuarit.
Shehu ka deklaruar se nuk është kundër taksës por ka shtuar se do të marrë pjesë në çdo protestë që do të zhvillojë PD-ja.
Ai kërkoi hetim të paanshëm lidhur me protestën te pika kufitare e Kalimashit, duke theksuar se aty ka pasur dhe elementë kriminale.
“Duhet dialog për tarifën e vendosur nga qeveria. Çdo acarim i mëtejshëm i situatës është i dëmshëm. Jam në krah të qytetarëve të Kukësit. Policia të vlerësojë me qetësi situatën, të mos kalojë kompetencat. Kërkojmë lirimin e menjëhershëm të të gjithë qytetarëve, kjo kërkesë është e panegociueshme. Kukësi nuk meriton të damkoset, ne dënojmë dhunën, por i mbështes qytetarët e mi në të gjitha kauzat. Të gjithë të ruajnë qetësinë në veprimet e tyre. Qeveria të reflektojë, të bëjë detyrën dhe të mos i lërë qytetarët vetëm”, tha kryebashkiaku.
IShehu i bëri thirrje të gjithë qytetarëve të Shqipërisë që të gjenden pranë kuksianëve. /tesheshi.com/
