Komisioneri i Lartë i BE-së për Politikë të Jashtme dhe Siguri Jozep Borrell tha sot se një nga temat në samitin e Këshillit Evropian do të jetë edhe Kosova, si dhe se të dyja palët do të bartin pasojat nëse situata në Kosovë nuk qetësohet.
“Ne po punojmë për të shmangur tensionet dhe për ta kthyer situatën në normalitet. Vendet anëtare vendosën në mbledhjen e fundit të Këshillit Evropian të marrin masa, ekonomike dhe politike, për t’u bërë të qartë palëve se nëse nuk kontribuojnë në paqja, ajo ka çmimin e saj”, tha Borrell përpara fillimit të samitit të Këshillit Evropian.
Ai tha gjithashtu se temat kryesore në samit do të jenë situata në Ukrainë dhe Rusi, Kina, marrëdhëniet me Amerikën e Jugut dhe kontrabanda e njerëzve.
Charles Michel dhe Jens Stoltenberg kërkojnë deeskalim në marrëdhëniet midis Beogradit dhe Prishtinës.
Kryetari i Këshillit Evropian, Charles Michel, tha se ka ardhur koha që të ndërmerren hapa drejt normalizimit të marrëdhënieve ndërmjet Beogradit dhe Prishtinës, si dhe të bëhet një qasje globale për zgjidhjen e këtij problemi.
Sekretari i Përgjithshëm i NATO-s, Jens Stoltenberg, iu drejtua gjithashtu mediave, duke u kërkuar “të gjitha palëve” që të përmbahen nga veprimet që mund të rrisin tensionet. /tesheshi.com/
