Më në fund është hapur një dialog komunikimi mes Uasshingtonit dhe Ankarasë, në kulmin e krizës mes dy vendeve, e cila ka çuar në disa masa amerikane me efekt në rënien drastike të lirës turke, e më pas tronditjen e tregjeve. Ka qenë Këshilltari i Sigurisë Kombëtare, Xhon Bolton ai që është takuar e ka biseduar me ambasadorin turk në Shtetet e Bashkuara, Serdar Kiliç.
Temë kryesore e bisedës mes tyre mësohet se ka qenë pikërisht dhe ai që konsiderohet si një ndër shkaqet kryesore të krizës, pastori evangjelist Andreë Brunson.
Ky i fundit mbahet në Turqi me akuzën e bashkëpunëtorit në terrorizëm, e në këmbim të lirimit, Ankaraja kërkon ekstradimin e Gylenit.
“Me kërkesë të ambasadorit turk, John Bolton u takuan në Shtëpinë e Bardhë me ambasadorin e Turqisë në Shtetet e Bashkuara. Ata folën për ndalimin e priftit amerikan Brunson në Turqi dhe marrëdhëniet e qeverisë së Shteteve të Bashkuara dhe Turqisë”, tha zëdhënësja Sarah Sanders .
Rezultate më të detajuara mbi bisedën mes tyre nuk jepen. Por priten orët apo ditët në vijim për të parë nëse do të funksionojë dialogu, si mënyrë që dy aleatët e NATO-s të dalin nga kriza. /tesheshi.com/
