Maqedonia po e bllokon rrugën e saj drejt BE-së dhe NATO-s – ky është qëndrimi i shefit të diplomacisë gjermane, Frank Valter- Shtajnmajer i cili në një takimin dje në Berlin me ministrin e Jashtëm të Shqipërisë Ditmir Bushati kanë biseduar edhe për Maqedoninë.
“Shpresoj që në Maqedoni ekziston pamje reale e gjërave, sepse rritja e jo-stabilitetit dhe konfliktet afatgjate do ta bëjnë të rëndë rrugën drejt BE-së dhe NATO-së”, tha Shtajnmajer.
Ai gjithashtu ka shprehur keqardhje për liderët partiak në Maqedoni, që në vend se të përpiqen për të gjetur një rrugë nga dalja e krizës politike në vend, ata madje pengojnë edhe ndërhyrjen e faktorit ndërkombëtar.
“Është për të ardhur keq që partitë ndërluftuese i bllokojnë tentimet e ndërmjetësimit nga ana e BE-së”, ka shtuar Shtajnmajer.
Tanimë, ky është reagimi i tretë nga Berlini për krizën në Maqedoni, pasi që presidenti i Maqedonisë, Gjorgje Ivanov më 12 prill solli vendim që t’i falë apo abolojë politikanët dhe bashkëpunëtorët e tyre që janë nën hetime. Për këtë gjest u kritikua si nga faktori i brendshëm, por edhe i jashtëm, në lidhje me atë se ai po e shkelë Marrëveshjen e Përzhinos.
Qeveria gjermane, javën e kaluar paralajmëroi se ekziston mundësia që të mos pranohen rezultatet e zgjedhjeve nëse ata mbahen në rrethanat aktuale, dhe me datë 5 qershor ashtu siç është paraparë në Marrëveshjen e Përzhinos.
Derisa sipas analistit politik Albert Hani, Berlini zyrtar mban barrën kryesore të paqës dhe stabilitetit në Europë, ndërsa Maqedonia nuk duhet marrë peng proçeset zhvillimore të Unionit Europian. Ndryshe sipas tij. kjo elitë e dështuar politike ka dhënë provën e fundit se nuk di të komunikoj përtej interesave të ngushta partiake dhe personale.
“Kjo brengë e Gjermanisë nuk nënkupton ndëshkim për qytetarët e Maqedonisë, por sygjerim dhe udhërëfim për politikanët tanë të cilët siç duket e kanë hup rrugën drejtë Europeizimit. Në kuptim Europian, “Integrimi në BE nënkupton Demokratizimin e Maqedonisë si dhe përafërsim të standardeve tona ekonomike me ata Europiane. Ndërsa mospërfillja e ofertës për ndërmjetësim, nuk duket parë si kërcënim por si një vetë-ofendim të kulturës dhe traditave të lashta të këtijë vendi për dialog ndërkulturor. Mbase kjo elitë politike e dështuar, dha simbolin e fundit se nuk di të komunikoj përtejë interesave të ngushta partiake dhe personale. Ne na duhen risi në politikë dhe përkushtim në vizione afatgjate nga dashamirë të së ardhmes tonë, njerëz që kuptojnë se çka do të thotë Dialog. Nëse ndërmjetësimi nga jashtë nuk funksionoi, shpresoj se do gjinden kapacitete interne ndërmjetësuese, nga njerëz me kredibilitet”, deklaroi për tesheshi.com, Albert Hani.
Përgatiti: Mensur Krasniqi – /tesheshi.com/
