Qeveria qendrore e Spanjës pritet të marrë kontrollin e institucioneve të Katalonjës, duke nisur nga ministritë e rajonit. Madridi apeloi gjykatën Kushtetuese spanjolle të revokojë votimin e njëanshëm për pavarësi.
Ndërkaq, ministri i Jashtëm i Spanjës ka përsëritur edhe njëherë qëndrimin e qeverisë së tij se presidenti i shkarkuar i Katalonjës Puigdemont mund të marrë pjesë në zgjedhjet që do zhvillohen në dhjetor nëse ai nuk do të jetë në burg.
Alfonso Dastis i bëri këto deklarata gjatë një tubimi që i mbajt në Barcelonë për bashkimin e Spanjës. Carles Puigdemont u shkarkua nga qeveria spanjolle pasi Madridi hoqi autonominë e Katalonjës, pas shpalljes së pavarësisë.
Kryeprokurori i Spanjës po përgatitet të paraqesë akuza penale kundër Puigdemont dhe zyrtarëve të tjerë katalanas për shkeljen e ligjit spanjoll. /tesheshi.com/
