E mirënjohura kompani ajrore gjermane, Lufthansa, ka njoftuar se nga 18 qershori do t’i pezullojë fluturimet drejt Venezuelës për shkak të krizës ekonomike në këtë vend.
Një njoftim i Lufthansa-s thotë se ajo do të jetë e shtrënguar ta pezullojë nga 18 qershori shërbimin mes Karakasit dhe Frankfurtit.
Sipas këtij njoftimi, kërkesat për fluturime drejt Venezuelës kanë rënë vitin e shkuar, duke ndjekur të njëjtën tendencë negative dhe gjatë këtij viti.
Lufthansa vë në pah si arsye për pezullimin dhe politikën monetare në Venezuelë, që ua ka bërë të pamundur kompanive ajrore t’i kthejnë në dollarë të ardhurat dhe t’i transferojnë jashtë.
Megjithatë, Lufthansa shpreson që në të ardhmen e afërt të rinisin fluturimet.
Një rënie e theksuar e çmimit të naftës e ka goditur fort ekonominë e Venezuelës, ndërsa kjo lëndë djegëse është burimi kryesor i të ardhurave në vend.
Veç kësaj, Venezuela po përballet me një krizë energjitike. Inflacioni është i lartë, e po kështu mungojnë dhe artikujt bazë. /tesheshi.com/
