Qeveria greke dhe agjencia e refugjatëve e OKB-së dërguan në ishullin Lesbos staf ekstra dhe anije që do të shërbejnë si qendra për refugjatët ndërsa 25 mijë të tillë kanë ngecur në këtë ishull në kushte të vështira.
Autoritetet kanë ngritur edhe një qendër të re regjistrimi në një fushë futbolli, për të ndihmuar refugjatët të lëvizin më shpejt drejt Athinës.
Këto masa u morën ndërsa gjendja në ishull u përshkrua nga një ministër i qeverisë së Athinës si “në pikën e shpërthimit”.
Zyrtarët thanë se qendra e procesimit të të dhënave do të punonte 24 orë, mirëpo në mbrëmje rojet bregdetare dhe policia përdorën edhe shkopat e gomës për të mbajtur larg refugjatët nga një anije e tillë që shërben si qendër.
Autoritetet lokale nuk ia dalin dot më të menaxhojnë refugjatët, të cilët janë lënë në kushte të tmerrshme. /tesheshi.com/
