Presidenti turk Rexhep Tajip Erdogan ka thënë se ai ka refuzuar një ndihmë evropiane prej një miliardë euro për të pranuar migrantë në Turqi në një kohë kur mijëra ishin duke shtypur në kufirin grek.
“Ne flasim me ta. Ata na thonë: ‘Do t’ju dërgojmë një miliardë euro’. Kë doni të mashtroni? (…) Ne nuk i duam më ato para,” tha Erdogan në një konferencë shtypi në Ankara, nën shoqërinë e kryeministrit bullgar Boyko Borisov.
Këto deklarata vijnë në një kohë kur Bashkimi Evropian po shqetësohet gjithnjë e më shumë për ardhjen e mijëra refugjatëve në kufirin grek, pasi Turqia njoftoi se kishte “hapur derën” për ta.
Erdogan tha të hënën se BE nuk dëshiron të “ndajë barrën” me Turqinë, e cila ka mirëpritur afër 4 milion refugjatë, kryesisht nga Siria, të cilët janë duke ikur nga lufta në vendin e tyre që viti 2011 me shpërthimin e luftës.
Greqia nga ana e saj deklaroi gjendjen e gatishmërisë për të mbrojtur kufirin nga fluksi më i fundit i mijëra refugjatëve dhe njoftoi se çdo kërkesë e re për azil duhet të pezullohet për ata që hyjnë në vend në mënyrë të paligjshme. /tesheshi.com/
